Mun minni veiði í Noregi

Þær fréttir voru að berast frá Noregi (Norges Rafisklag) að grásleppuveiðin nú er mun minni en á sama tíma í fyrra. Veiðin til 4. maí er nú 231.000 lítrar, en var 348.000 lítrar á sama tíma á árinu 2002.
Þetta er norskum grásleppuveiðimönnum mikil vonbrigði og er fjöldi báta við veiðarnar meiri en nokkru sinni. Vaxandi veiði tveggja síðustu ára vakti mönnum vonir um góða vertíð.
Upphafsverðið á tunnu var 5000 norskar krónur, en hefur nú hækkað í 6000.- krónur norskar.
Íslenskir framleiðendur hafa tilkynnt verðlækkanir til íslenskra veiðimanna á þeim forsendum að veiði t.d. í Noregi sé gríðarleg og verð þar fallin. Hið rétta er að þessu er öfugt farið og því hlýtur að liggja beint við að hækka verðin til fyrra horfs.