Snæfell mótmælir rækjuveiðum í innanverðum Breiðafirði.
Smábátaeigendur í Snæfelli, félagi smábátaeigenda á Snæfellsnesi, mótmæla harðlega ákvörðun sjávarútvegsráðherra um að heimila rækjuveiðar innan viðmiðunarlínu á Breiðafirði. Veiðar með dregin veiðarfæri skaða það viðkvæma lífríki sem þarna er og full eining hefur verið um að vernda. Þá hafa veiðarnar áhrif á göngu bolfisks á svæðið og skaða afkomumöguleika kyrrstæðra veiðarfæra, handfæra-, línu og netaveiða.
Þá er ákvörðunin óskiljanleg útfrá markaðslegu sjónarmiði þar sem í landinu eru miklar birgðir af óseldri rækju og óvísst um sölu á. Einnig hefur afurðarverð á rækju farið hríðlækkandi undanfarna mánuði og er því full ástæða til að draga úr rækjuveiði. Þá skal á það bent að rækjan er mikilvæg fæðutegund fyrir okkar dýrmætustu fisktegund, þorskinn og því enn brýnna að friða umrætt svæði.
Skrifa athugasemd