Minna af þorski á handfærin

Þorskafli dagabáta er umtalsvert minni nú í maí en á sama tíma í fyrra, þá veiddu dagabátar 1.770 tonn en í ár var aflinn 1.345 tonn. Þessar upplýsingar koma fram í bráðabirgðatölum Fiskistofu. Samdrátturinn kemur ekki á óvart því flestir viðmælendur skrifstofunnar sem róa í dagakerfinu hafa sagt að mun erfiðara sé að ná þeim gula nú heldur en undanfarin ár.