Krókur boðar til fundar

Á morgun, þriðjudag, heldur Strandveiðifélagið Krókur almennan félagsfund í Hópinu Tálknafirði og hefst hann klukkan 20:30. Framkvæmdastjóri LS mun greina fundarmönnum frá stöðu mála sem efst eru á baugi. Rætt verður um sóknardagakerfið, línuívilnun, grásleppumál, skipaskoðun o.fl. Fulltrúum skoðunarstofa sem fengið hafa starfsleyfi hefur verið boðið að mæta. Félagar eru hvattir til að fjölmenna á fundinn, taka þátt í umræðum og hafa þannig áhrif á gang mála.