Sjávarútvegsnefnd boðar LS til fundar

Á morgun er forsvarsmönnum LS gert að mæta á fund sjávarútvegsnefndar Alþingis. Á dagskrá er sóknardagafrumvarpið og verður afstaða stjórnar LS til málsins kynnt.
Á fundi stjórnarinnar í dag var frumvarpið til umræðu. Stjórnarmenn voru á einu máli um að frumvarpið fæli ekki í sér valkosti sem leggja mætti að jöfnu, þar halli svo stórlega á sóknardagaleiðina að í raun sé verið að leggja sóknardagakerfið niður.
Fundurinn lagðist ekki gegn því að stillt sé upp valkostum, en þingmenn og ráðherra brýndir til að standa við orð og yfirlýsingar þess efnis að í sóknardagaleiðina verði tryggilega bundinn lágmarksfjöldi sóknardaga.