Ályktanir frá 20. aðalfundi LS – Grásleppuveiðar: Stofnstærð og markaðaðstæður ráði fjölda veiðidaga, þeir einir stundi grásleppuveiðar sem hafa til þess leyfi, aflagjald skuli eingöngu greitt af hráefni, afnema kvöð um vigtun á - Landssamband smábátaeigenda

Ályktanir frá 20. aðalfundi LS – Grásleppuveiðar: Stofnstærð og markaðaðstæður ráði fjölda veiðidaga, þeir einir stundi grásleppuveiðar sem hafa til þess leyfi, aflagjald skuli eingöngu greitt af hráefni, afnema kvöð um vigtun á


Ályktanir frá 20. aðalfundi LS – Grásleppuveiðar: Stofnstærð og markaðaðstæður ráði fjölda veiðidaga, þeir einir stundi grásleppuveiðar sem hafa til þess leyfi, aflagjald skuli eingöngu greitt af hráefni, afnema kvöð um vigtun á hafnarvog.

Stofnstærð og markaðaðstæður ráði fjölda veiðidaga

Landssamband smábátaeigenda leggur til að stjórnun grásleppuveiða verði breytt þannig að hverjum bát verði úthlutað veiðileyfi með ákveðnum fjölda daga til veiða. Fjöldi veiðidaga ákvarðast af stofnstærð og markaðsaðstæðum hverju sinni en verði aldrei fleiri en 90. Netafjöldi verði óbreyttur. Útgerð er frjálst að hefja veiðar hvenær sem er innan fyrirfram ákveðins tímabils og skal tilkynna það til Fiskistofu. Veiðidagar hvers báts skulu vera nýttir samfelldir. Veiðitímabil verði frá 15. mars til15. ágúst. Öll svæði verði með óbreyttan byrjunartíma frá í fyrra.

Þeir einir stundi grásleppuveiðar sem til þess hafa leyfi

Landssamband smábátaeigenda leggur áherslu á það við Fiskistofu um að þeir einir stundi grásleppuveiðar sem til þess hafa leyfi. LS telur eðlilegt að Fiskistofa framfylgi lögum um grásleppuveiðar og komi í veg fyrir að aðrir en þeir sem grásleppuleyfi hafa stundi grásleppuveiðar, landi grásleppu og grásleppuhrognum. Ath. Óheimilt er með öllu að nýta hrogn úr dauðri grásleppu.

Aflagjald skuli eingöngu greitt af hráefni

Landssamband smábátaeigenda leggur til að unnið verði að samræmingu á aflagjöldum á grásleppuhrognum. Þannig að grásleppuhrogn beri ekki fullt aflagjald af unninni vöru eins og oft hefur verið raunin á heldur af þeim hluta sem telst vera hráefni sem er u.þ.b. 60% af nettó útflutningsverðmæti.

Afnema kvöð um vigtun á hafnarvog

Landssamband smábátaeigenda leggur til að afnema kvöð um vigtun á hafnarvog á grásleppuhrognum.

3 Athugasemdir

Það þarf að fylgjast vel með netabátum, þeir hafa verið að landa grsl hrognum sem þorskhrognum á vertíðinni. Ég hef séð tunnur með hrognum hífðar upp úr bátum og þær hafa síðan farið til kaupenda.

Ert viss um það séu ekki þorskhrogn,

Já ég er alveg viss um að það séu ekki þorskhrogn vegna þess að þessi hrogn eru sett í bláar tunnur (litlar) og þeim síðan komið til grásleppuhrogna saltenda.
Hins vegar fara þorskhrogn yfirleitt og í flestum tilfellum í grisjupoka hjá sumum í venjulegum 70-90 l. kössum og yfirleitt ofaná fiskikörum beinustu leið á fiskmarkaðina.

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...