Línuívilnun verði aukin
Landssamband smábátaeigenda leggur til að línuívilnun verði aukin og skerði ekki aflaheimildir annarra skipa.
Línuívilnun nái til smábáta sem róa í dagróðrum, hvort sem um er að ræða handbeitningu eða trektarbeitningu.
Krókaveiðar
Landssamband smábátaeigenda vill að hvergi verði kvikað frá þeirri stefnu að aflahlutdeild smábáta í krókaaflamarkskerfi verði veidd á króka en ekki í net eins og hugmyndir hafa verið á lofti um. LS álítur að ef netaveiðar yrðu leyfðar hjá krókabátum yrði stutt í þá kröfu að krókaaflamark og aflamark yrði sameinað með stórfelldri fækkun smábáta.
Skerðing aflahlutdeildar - andstætt við fullyrðingu sjávarútvegsráðherra
Við úthlutun aflaheimilda 1. september sl. kom í ljós að hlutdeildir þeirra sem voru í krókaaflamarki á sl. fiskveiðiári og aflamarksskipa höfðu verið lækkaðar. Ástæður þessa er að sögn Fiskistofu og sjávarútvegsráðuneytisins kvótasetning sóknardagabáta. Sú skýring gengur þvert á fullyrðingar sjávarútvegsráðherra um að kvótasetning sóknardagabáta mundi ekki rýra veiðiheimildir annarra útgerðarflokka.
Landssamband smábátaeigenda lítur á það sem grafalvarlegan hlut að ekki sé hægt að treysta orðum ráðherrans.
Sjávarútvegsráðherra verði krafinn svara hvers vegna hans sjónarmið voru ekki látin ráða við kvótasetningu sóknardagabáta.
Skrifa athugasemd