Á fundi sveitarstjórnar Skagafjarðar 21. október sl. var samþykkt tillaga byggðarráðs Skagafjarðar um dragnótaveiðar. Í fundargerð byggðarráðs er eftirfarandi bókað um málefnið:
„Lagt fram ódagsett bréf ásamt undirskriftalistum frá smábátafélaginu Skalla, varðandi tillögu aðalfundar félagsins frá 26. september 2004 um að dragnótaveiðar verði bannaðar á Skagafirði innan línu sem dregin er úr Ketubjörgum í Almenningsnöf.
Byggðarráð tekur undir ofangreinda tillögu smábátafélagsins Skalla og samþykkir að leggja til við sjávarútvegsráðuneytið að dragnótaveiðar verði bannaðar á Skagafirði innan línu sem dregin er úr Ketubjörgum í Almenningsnöf.“
Von er á fleiri fréttum á næstunni varðandi viðbrögð sveitarstjórna við dragnótaveiðum.
Skrifa athugasemd