Krókaaflahlutdeild – stjórn LS telur 3% hæfilegt

Mig langar aðeins að leggja orð í belg um þessa kvótaþaksumræðu sem er komin af stað, allflestum félagsmönnum að óvörum. Hvergi hefur verið boðað til funda um málið í aðildafélögum en samt er boðað til stjórnarfundar L.S. Eiga þá formenn félaganna að fara með sína eigin skoðun á þann fund en ekki félagsmanna? Þær reglur og sú umgjörð sem er búið að skapa í krókaaflamarkinu eru sniðnar að því að bátar stækki og verði öruggari, kvóti er komin á flestar fisktegundir, dagakerfið liðið undir lok og handfæraveiðar vart stundaðar nema hjá sportbátum. Aflahæstu krókaaflamarksbátunum hefur verið hampað og þeir verið nefndir, frumkvöðlar, brautryðjendur og fleira í þeim dúr og ekki ætla ég að gera lítið úr þeim hér. Þeir fiskuðu að mig minnir á milli 1300 og 1400 tonn á síðasta fiskveiðiári og hafa verið aflahæstir undanfarin ár, ef fleiri fara að taka þetta upp eftir þeim, þá þarf ekki nema 50 - 60 báta til að fiska krókakvótann árlega. Þeir aðilar sem gera þá báta út hafa beðið um stækkun á krókabátunum upp í 30 tonn og það geta menn séð svart á hvítu hér á heimasíðu L.S. Það sem ég hef lesið eða heyrt um krókaþakið hefur annað hvort verið í Fiskifréttum eða á heimasíðu L.S. Þar hefur oftast borið á góma fyrirtækið Stakkavík frá Grindavík. Það er svolítið skrítið að þetta umtalaða krókaþak skuli vera eins og byggt utan um þá og þá held ég meira að seigja að þeir rekist vel upp í það. Er það tilviljun að umræða um 6% krókaþak í þorski er nærri því það sama og krókahlutdeild Stakkavíkur, og 9% krókaþak í ýsu nærri því það sama og krókahlutdeild Stakkavíkur. Hvað er prósentan í stóra kerfinu ? Er hún ekki 10 eða 12 prósent ? Hvernig stendur á því að prósentan er ekki sú sama í báðum kerfum ? Erum við ekki alltaf að bera kerfin saman ? Er eitthvað bogið við þetta? Ég er ekki að mæla fyrir hönd Stakkavíkur en ég get ekki orða bundist yfir þessu öllu. Við hverju bjuggust menn þegar leyfð var stækkun á bátunum uppí 12 tonn(en alþingi heimilaði upp í 15 tonn til að bátarnir yrðu öruggari), héldu þeir að ekki yrði sótt meira með lengri línu og komið með meiri afla í land í hverri veiðiferð og eins þegar kvóta var deilt út í dagakerfinu, fyrir rúmu fiskveiðiári, að enginn myndi selja sinn kvóta. Stakkavík gerir út marga krókaaflamarksbáta bæði línubeitningavélabáta og línubalabáta þar sem beitt er í landi og eru þeir að veiða og landa afla víðsvegar um landið. Þeir hefðu ekki keypt þær krókaaflamarksheimildir sem þeir eru með ef þær hefðu ekki verið til sölu. Kvóti er eitthvað sem er og verður takmörkuð aðlind og verður alltaf söluvara.
Að leyfa stækkun á bátunum er það sem veldur þessu ástandi, ég held að menn ættu að reyna að sjá hlutina í réttu ljósi áður en sett eru lög og reglur um eitthvað sem ekki getur gengið.
Stakkavík gerir út á milli 10-20 báta og það eru 2-3 menn á hverjum bát og svo beitningarmenn á flestum bátunum, þetta eru talsvert mörg störf sem þeir eru að skapa og það fyrir utan vinnsluna. Ég held að þetta sé ekki slæmt mál, það er varla verra að skipstjórar á vegum Stakkavíkur fiski 1200 til 1400 tonn á bát á ári en bátar fyrir vestan, og ef Stakkavík treystir sér til að gera út báta sem landa afla hér og þar um landið þá er það hið besta mál, ef við hinsvegar leyfum enn meiri stækkun á bátum þá held ég að við þurfum ekki að spyrja að því að það verður enn meiri fækkun starfa við smábátaútgerð. Ég veit það vel að ég hef verið kallaður afturhaldsseggur og á móti framþróun af félögum mínum í Grindavík, en á meðan fleiri störf eru við smábátaútgerð þá er ég ánægður.

Sælir félagar.
Ég næ ekki alveg meiningunni hjá félaga Halldóri þegar að hann er að tala um að það sé ekki verra að Stakkavík geri út báta undir skipstjóra sem veiða 1200 til 1400 tonn á ári en bátarnir fyrir vestan, ég held að við ættum ekki að snúa þessu upp í einhverja landshornadeilu, það er staðreynd að L.S. var stofnað utanum einstaklingsútgerð og ég tel að það eigi að vera aðalmarkmiðið hér eftir sem hingað til. Ég sé ekki hvernig það getur verið minni vinna á smábátum með því að L.S. leggi höfuðáherslu á einstaklingin sem rær sínum bát sjálfur, ég veit ekki hvar þeir menn sem ekki hafa heyrt um þetta viðhorf hafa verið undanfarin 2 - 3 ár þeir hafa greinilega ekki fylgst vel með umræðunni. Mér sýnist að sú tillaga sem samþykkt var á stjórnarfundinum gangi eins langt og hægt er og að það sé lítil hætta á að aflahæðstu bátar reki sig uppundir þakið í þorskígildum talið. 6% eru alltof hátt og það mun skapa frekari vandamál í framtíðinni en það leysir. Það er ekki langt síðan að töluverð umræða var á alþingi um kjarasamninga á smábátum, sú umræða hefði ekki orðið nema af því að það á að pressa á L.S. að gerast litla LÍÚ. með kjarasamninga fyrir smábáta og annað tilheyrandi batterí. Ég skil ekki afstöðu manna þegar að þeir segja að formaður og framkvæmdastjóri og jafnvel stjórnin hafi ekki umboð í einstökum málum, það er þannig í öllum félögum sem ég þekki til að stjórnin stýrir félaginu á milli aðalfunda og þannig er það hjá okkur. Formaður og framkvæmdastjóri hafa fullt umboð og það er þeirra skylda að hafa skoðun á öllum málum sem koma upp á milli aðalfunda, þeim hefur tekist það vel hingað til og mér líst vel á hvernig þeir eru að stýra þessu máli. 1000 þorskígilda hámark á hvern smábát og eigandinn um borð, það er verðugt takmark í þessari orustu.

Ég fyrir mitt leyti líst vel á þessar tilögur stjórnar LS.

Ég vona að stjórnarmenn almennt reyni að kanna hug sinna félagsmanna fyrir svona stórar ákvarðanir.

Vitnað í K.E. "Ég skil ekki afstöðu manna þegar að þeir segja að formaður og framkvæmdastjóri og jafnvel stjórnin hafi ekki umboð í einstökum málum, það er þannig í öllum félögum sem ég þekki til að stjórnin stýrir félaginu á milli aðalfunda og þannig er það hjá okkur. Formaður og framkvæmdastjóri hafa fullt umboð og það er þeirra skylda að hafa skoðun á öllum málum sem koma upp á milli aðalfunda, þeim hefur tekist það vel hingað til og mér líst vel á hvernig þeir eru að stýra þessu máli. 1000 þorskígilda hámark á hvern smábát og eigandinn um borð, það er verðugt takmark í þessari orustu."

Alveg sammála þér þarna.

Undirritaður varð sjálfkrafa félagi í Smábátafélagi Reykjaness árið 1990.Það er vegna laga frá Alþingi.Það var allt annað útgerðarminstur þá en er nú.Ég veit ekki til að það standi nokkursstaðar að eigendur þeirra báta sem eru skikkaðiðir til að greiða í Greiðslumiðlun, og umboðsmaður alþingis hefur reyndar úrskurðað að standist ekki lög um félagafrelsi,séu lögum samkvæmt skyldugir til að reka sínar útgerðir á sinni eigin kennitölu.Einhverra hluta vegna var ekki fjallað um þetta mál á aðalfundum félaganna í haust og ekki heldur á landsfundinum þótt mikið væri fallað um það bakatil.Í öllum félögum sem taka sig alvarlega lýtur eingin stjórn og einginn formaður svo á að hann hafi alræðisvald milli aðalfunda sama hvað kemur uppá.Við skulum líka gæta að því að eins og lögin eru í dag þá má færa aflahlutdeild frá L.Í.kerfinu yfir í krókaaflamarkskerfið.Þeir tímar eru liðnir og koma aldrei aftur að maður sjái stóran flota handfærabáta með einum kalli á ,allra síst úti fyrir Vestfjörðum.

Undirritaður bendir einnig á hvort ekki sé orðið tímabært að taka þá umræðu, hvort það geti talist eðlilegt, að sú staða geti komið upp,ef hún er nú ekki þegar komin,að bátseigandi sem á aflaheimildalausan bát,sé að gæta hagsmuna þess sem hann hefur selt kvótann.Ég held að allir hljóti að sjá sð slíkt getur ekki gengið.