Aðalfundur Skalla verður haldinn á Sauðárkróki á morgun laugardag. Fundurinn hefst kl 14:00 og er að venju haldinn í Suðurgötu 3.
Auk venjulegrar aðalfundarstarfa má búast við kröftugri umræðu um dragnótamál, en þar finnst félagsmönnum að sjávarútvegsráðuneytið hafi hunsað þeirra sjónarmið og sveitarstjórnar Skagafjarðar.
Félagsmenn í Skalla hafa verið ötulir við að rita greinar í blöð og mótmæla stjórnlausum dragnótaveiðum í Skagafirði. Þá hafa þeir skilað inn undirskriftum fjölmargra aðila á svæðinu þar sem dragnótaveiðum í Skagafirði er harðlega mótmælt.
Þá samþykkti Byggðaráð Skagafjarðar á fundi 21. september sl. að styðja við erindi Skalla varðandi dragnótaveiðar og fól ráðið sveitarstjóra að ræða við sjávarútvegsráðuneytið af því tilefni.
Félagsmenn eru hvattir til að fjölmenna til fundar og taka þátt í umræðum, en samþykktir aðalfundar eru veganesti þeirra sem kjörnir verða á aðalfund LS.
Gestir fundarins verða formaður og framkvæmdastjóri LS.
Formaður Skalla er Hilmar Zophaniasson
Myndir:
Hilmar Zophaniasson
Frá Sauðárkrók
Skrifa athugasemd