Viðmiðunarverð á þorski hækkar um 10% og ýsu um 5%

Samkvæmt tilkynningu frá Verðlagsstofu skiptaverðs var ákveðið á fundi úrskurðarnefndar sjómanna og útvegsmanna 30. nóvember sl. að hækka viðmiðunarverð á þorski um 10% og ýsu um 5%.

Dæmi um grunnverð:

Óslægður þorskur.....................2 kg.................134,62 kr/kg
...............................................3 kg.................157,08 kr/kg
...............................................4 kg.................170,56 kr/kg
...............................................5 kg.................184,03 kr/kg
...............................................6 kg.................197,51 kr/kg

..................undirmál 105,07 kr/kg

Óslægð ýsa.............................1,5 kg...............86,43 kr/kg
...............................................2,0 kg...............96,14 kr/kg
...............................................2,5 kg.............105,93 kr/kg

Vakin er athygli á að breyting var gerð á lögum um Verðlagsstofu skiptaverðs og úrskurðarnefnd sjómanna og útvegsmanna 17. mars sl. Í áliti sjávarútvegsnefndar Alþingis kom fram „að lögin um Verðlagsstofu skiptaverðs taki jafnt til skipa hvort þau eru í aflamarki eða krókaaflamarki“. Þar sem ekki hafði verið litið svo á að lögin tækju til krókaaflamarksbáta þótti nefndinni rétt að lagabreytingin tæki ekki gildi fyrr en 1. janúar nk. Krókaaflamarksbátar falla því undir lögin frá og með áramótum.

Nánar:

http://www.althingi.is/altext/133/s/1100.html