Grásleppumál til umfjöllunar á stjórnarfundi LS - Landssamband smábátaeigenda

Grásleppumál til umfjöllunar á stjórnarfundi LS


Á stjórnarfundi LS hinn 7. mars s.l. var rætt um nýhafna grásleppuvertíð og mál henni tengd.

Nokkrum vikum fyrir vertíðina (sem hófst 1. mars á suðursvæði) ríkti bjartsýni meðal veiðimanna um að verð á grásleppuhrognum myndi nú hækka myndarlega, ekki síst í ljósi þess að litlar birgðir eru nú til af hrognum.
Þetta hefur ekki gengið samkvæmt vonum.

Fundurinn samþykkti tvennt varðandi grásleppumál:

„Stjórnarfundur LS hvetur grásleppuveiðimenn til að sniðganga það lága verð sem boðið hefur verið nú í byrjun vertíðar (280 kr pr kg fyrir hrogn uppúr sjó).

Þá skorar fundurinn á hstv. sjávarútvegsráðherra að undanskilja grásleppuveiðimenn frá skylduákvæðum um vigtun á hafnarvog“.

Mynd: Grásleppa liggur undir steini

Grasleppa og kafari.tiff

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...