Hrollaugur vill hvorki línuívilnun né byggðakvóta - Landssamband smábátaeigenda

Hrollaugur vill hvorki línuívilnun né byggðakvóta



 

Aðalfundur Hrollaugs var að venju haldinn 27. september.  Hornfirðingar fjölmenntu til fundar og ræddu sín mál af miklu sjálfstæði. 

 

Það var þó engin undantekning frá samþykktum annarra svæðisfélaga varðandi þorskkvóta yfirstandandi árs.  Einróma samþykkt að skora á ráðherra að auka hann nú þegar.

100_9980.jpg

Línuívilnun er gegn vilja Hrollaugsmanna.  Þeir óska eftir að hún verði aflögð með öllu og þeim veiðiheimildum sem í hana hafa verið settar, verði skilað.

Eins er það með byggðakvóta, hornfirskir smábátaeigendur vilja leggja hann af og benda á að á undanförnum árum hafi menn fjárfest í veiðiheimildum.  Á sama tíma og verið sé að greiða af lánum sé öðrum útgerðum réttar veiðiheimildir án endurgjalds og sé slík mismunun með öllu óviðunandi.

 

Flotvörpuveiðar krefjast Hrollaugsmenn að verði bannaðar.  Þeir benda á að rannsóknir sem gerðar hafa verið sýni að aðeins lítill hluti þess sem fer inn um trollopið endi sem afli um borð í skipi.

100_9979.jpg

 

Á aðalfundinum var einnig rætt um skötusel og keilu.  Samþykkt var að óska eftir að skötuselur verði utan kvóta sem meðafli við krókaveiðar allt í kringum landið að Vestfjörðum undanskildum. 

Þá skorar smábátafélagið Hrollaugur á sjávarútvegsráðuneytið að opna svokallað Keiluhólf sem er suðaustur úr Hrollaugseyjum.  Þar er bent á að ástæða lokunar svæðis suðaustur úr Hrollaugseyjum hefði verið að halda kvótalausum skipum frá tilteknu svæði.  Þau skip höfðu verið skráð á Íslandi gagngert til að veiða keilu á línu enda hún ekki í kvóta á þeim tíma.  Vegna fjölgunar smærri línubáta á Hornafirði er nú farið fram á að svæðið verið opnað, enda þetta svæði þekkt fyrir allt annað en smáan fisk.  Hluti þessa svæðis er opinn fyrir trollskipum og alveg fyrir netum, lúðulínu og handfærum.  Svæðið er á þeirri slóð sem hornfirskir smábátar geta stundað róðra fyrir norðanáttum og er þetta eina svæðið sem þeir fá var fyrir vindum.

 

Í stjórn Hrollaugs eru eftirtaldir:

Unnsteinn Þráinsson formaður

Friðþór Harðarson ritari

Grétar Vilbergsson gjaldkeri

 

 

 

 

 

 

2 Athugasemdir

Hvað er nú þetta með skötuselinn og vestfirði..????

Þessi ályktun var send inn sem svar við ályktun Eldingar dags. 27. ágúst

Auðvitað á skötuselur að vera utankvóta sem sem meðafli við krókaveiðar allt í kringum landið.

Slóðin á frétt Eldningar:http://www.smabatar.is/2008/08/elding-skotuselur-veri-utan-kv.shtml

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...