Smábátafélagið Strandir fagnar 20 ára afmæli - Landssamband smábátaeigenda

Smábátafélagið Strandir fagnar 20 ára afmæli


100_0097_2.JPG

 

Aðalfundur Smábátafélagsins Stranda var haldinn á Malarkaffi Drangsnesi sl. laugardag 11. október.  Félagsmenn fögnuðu um leið 20 ára afmæli félagsins, en það var stofnað 24. september 1988.


Prýðileg mæting var á fundinn og mikil og góð umræða.  Stóð fundurinn frá 11 árdegis til kl fjögur.  Meðal þess sem fundurinn samþykkti voru eftirtaldar áskoranir til sjávarútvegsráðherra:

100_0099_2.JPG

 

  • að auka strax veiðiheimildir í þorski
  • hækka línuívilnun í 20%
  • standa vörð um byggðakvótann þannig að honum verði áfram úthlutað, sjávarþorpum landsins til hagsbóta
  • gefa frjálsar handfæraveiðar með þeim takmörkunum að hver maður megi hafa tvær handfærarúllur og fjórar handfærarúllur að hámarki á bát
  • tryggja næga fjármuni til BioPol á Skagaströnd til áframhaldandi rannsókna á grásleppu.

 

Smábátafélagið Strandir vill hafa fyrirkomulag grásleppuveiða með sama hætti og á síðustu vertíð.  Þá samþykkti aðalfundurinn að fjallað yrði um það á aðalfundi LS hvort krókaaflamarksbátum skildi heimilaðar netaveiðar.

100_0105_2.JPG


 

Smábátafélagið Strandir mótmælir ákvæði laga nr. 30  23. mars 2007 og reglugerðar nr. 175 19. febrúar 2008 sem felur í sér að menn missi skipstjórnarréttindi sín hafi þeir ekki stundað sjómennsku í fimm ár.   Telur fundurinn gróflega brotið á mönnum með þessu ákvæði.


Stjórn Stranda:

Haraldur Ingólfsson formaður Drangsnesi

Anna Þorbjörg Stefánsdóttir ritari Hólmavík

100_0103_2.JPG

Már Ólafsson gjaldkeri Hólmavík sem jafnframt er fulltrúi félagsins í stjórn LS.


 

 

 

 

 


 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...