Er stöðvun dagróðrabáta yfirvofandi? - Landssamband smábátaeigenda

Er stöðvun dagróðrabáta yfirvofandi?


 

Á Bolungarvík hafa menn nú af því miklar áhyggjur að verða uppiskroppa með fiskikör.   Að sögn Reimars Vilmundarsonar í Bolungarvík hafa flutningsaðilar - Samskip og Eimskip - ákveðið að innheimta gjald fyrir flutning tómra kara á áfangastað.   Reimar segir gjaldið alltaf hafa verið inni í flutningskostnaðinum, sem eigi ekki að lækka samsvarandi á móti.  Hér er því gerð krafa um hækkun sem er vitaskuld úr takt við það sem boðað hefur verið.

 

Reimar segir Umbúðamiðlun, sem er eigandi karanna, hafa hafnað því að bera þennan kostnað og því hafi flutningsaðilar afsett körin á sinni lóð í stað þess að fiskmarkaðurinn tæki við þeim. 

Karaleysi á fiskmarkaði Bolungarvíkur er strax farið að gera vart við sig og fæst ís þar nú ekki afgreiddur.    Þá hafa smábátaeigendur af því miklar áhyggjur að komast ekki á sjó á morgun vegna yfirvofandi karaskorts.

 

Unnið er að lausn deilunnar milli flutningsaðila, Umbúðamiðlunar og fiskmarkaðarins.

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...