Félag smábátaeigenda á Austurlandi mótmælir yfirgangi stórra línuskipa - Landssamband smábátaeigenda

Félag smábátaeigenda á Austurlandi mótmælir yfirgangi stórra línuskipa



7. janúar sl. sendi Félag smábátaeigenda á Austurlandi bæjarráði Fjarðarbyggðar bréf þar sem skorað er á ráðið að taka undir og vinna að framgangi samþykktar aðalfundar FSA um að línuskipum 100 brl. og stærri verði óheimilt að stunda veiðar innan 

3 sjómílna frá landi.

 

 

Bréfið er undirritað af formanni félagsins Ólafi Hallgrímssyni og er eftirfarandi:

 

Á fundi stjórnar Félags smábátaeigenda á Austurlandi sem haldinn var 07. janúar 2009 var tekið fyrir erindi smábátasjómanna í Fjarðarbyggð en þeir og Fjarðarbyggð hafa orðið fyrir tjóni vegna ágangs línuskipa (beitingavélabáta) á heimamið þeirra.

 

Eftirfarandi var samþykkt;

„Stjórn Félags smábátaeigenda á Austurlandi skorar á bæjarráð Fjarðarbyggðar að taka undir og vinna að framgangi samþykktar aðalfundar félagsins frá 19. september sl. um að línuskipum 100 brl. og stærri verði óheimilt að stunda veiðar innan 3. sjómílna frá landi.“.

 

Það sem af er vetri hefur sókn stórra línubáta inn í okkar gjöfulu firði verið gríðarleg.   Veiðar þeirra hafa hindrað útgerð smærri báta og gert þeim erfitt fyrir um að stunda línu-  neta- og handfæraveiðar. 

 

Hér með er skorað á bæjarráðið að taka undir með smábátaeigendum á Austurlandi og greiða þar með fyrir áframhaldandi öflugri atvinnuuppbyggingu í bæjarfélaginu.“

Gamla höfnin á kafi - Borgarfjörður Eystri 27. nóv.jpg 





















                                   

                       Mynd:  Frá Borgarfiðri Eystri - t.v. sést grilla í gömlu höfnina - 27. nóv. 2008

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...