Einni viku bætt við grásleppuvertíðina - Landssamband smábátaeigenda

Einni viku bætt við grásleppuvertíðina



Sjávarútvegs- og landbúnaðarráðherra Steingrímur J. Sigfússon hefur fallist á beiðni LS um að bæta einni viku við þann tíma sem ætlaður var til grásleppuveiða.   Í stað 55 daga verður heimilt að stunda veiðar í 62 daga.

 

Í bréfi LS til ráðherra kom fram að ástæður beiðninnar væru m.a. miklar ógæftir sem valdið hefði veiðitapi og tjóni á veiðafærum sem í mörgum tilfellum hefðu glatast með öllu.   Þá bæri að líta til þess að mikil eftirspurn væri nú eftir grásleppuhrognum og verð í sögulegu hámarki.

Einnig var bent á að heildarmagn sem komið væri að landi á vertíðinni væri nú fimmtungi minna en á sama tíma í fyrra.

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...