Klettur fordæmir ákvörðun um fyrningu aflaheimilda - Landssamband smábátaeigenda

Klettur fordæmir ákvörðun um fyrningu aflaheimilda



Stjórnarfundur í Svæðisfélaginu Kletti félagi smábátaeigenda frá Ólafsfirði að Tjörnesi hefur sent frá sér eftirfarandi ályktun:


„Fyrningarleið

Fundurinn fordæmir þá ákvörðun ríkisstjórnar Íslands að innkalla allar veiðiheimildir með svokallaðri fyrningarleið.

Það er með öllu óásættanlegt að stjórnvöld skuli tilkynna áætlun um að innkalla allar veiðiheimildir á 20 árum og þar með rústa þeim grundvelli sem sjávarútvegurinn er byggður á í dag.

Þetta er gert án þess að skýra hið minnsta hvernig endurúthlutun aflaheimilda verður háttað, eða hvernig koma skal til móts við fyrirtæki og einstaklinga sem fjárfest hafa í veiðiheimildum og sjá nú þær fjárfestingar sem borga áttu sig upp á næstu árum hverfa jafn óðum og þær eru greiddar upp.“

 

Formaður Kletts er Pétur Sigurðsson
 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...