Vinnufriður í sjávarútvegi nauðsynlegur - Landssamband smábátaeigenda

Vinnufriður í sjávarútvegi nauðsynlegur



Stjórn Reykjaness - félag smábátaeigenda á Reykjanesi - hefur sent frá sér eftirfarandi:


 

„Fyrningarleið stjórnarflokkanna  =  alger óvissa í sjávarútvegi

  

Í því efnahagsástandi sem nú ríkir er vinnufriður í sjávarútvegi nauðsynlegur.  Sjávarútvegurinn er ein fárra líflína sem heldur Íslandi á floti í dag og því verður að hlúa að starfsumhverfi hans. 

 

Fyrning aflaheimilda mundi leiða til glundroða og óvissu í sjávarútveginum auk þess að verðfella lánasafn hans í bönkum sem leitt gæti til annars hruns bankakerfisins.  Hvað biði okkar þá?

 

Þeir sem halda öðru fram eru ekki í takt við þann raunveruleika sem nú ríkir í íslensku þjóðfélagi, fjölmargir eru í sárum eftir þann peninga- og eignabruna sem orðið hefur í samfélaginu.

 

Stjórn Smábátafélagsins Reykjanes skorar á ríkisstjórn Íslands að leggja til hliðar öll áform sem þau hafa um „fyrningarleið" í íslenskum sjávarútvegi og stuðla frekar að uppbyggingu íslenskra atvinnuvega í stað niðurrifs, og auka þannig líkur á að Ísland verði áfram fullvalda ríki.

 

 

11. maí 2009

 

fh. stjórnar Reykjaness

 

Halldór Ármannsson formaður“

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...