Algert hrun grásleppuveiða á Nýfundnalandi - Landssamband smábátaeigenda

Algert hrun grásleppuveiða á Nýfundnalandi


Áður hefur komið fram hér á síðunni að rólegt sé yfir grásleppuvertíðinni á Nýfundnalandi.  Nú hafa borist fréttir sem slá öllu við í þeim efnum.

Heildarveiðin á vertíðinni var í gærkveldi aðeins 86 tunnur.  Vertíðin í fyrra þótti léleg með afbrigðum, en þá veiddust 3500 tunnur sem var aðeins 42% af meðalveiði sl 10 ára.  Veiðin nú er aðeins 2,6% af veiðinni 2008 og rúmt 1% af meðalveiði síðasta áratugar.

Veiðimenn klóra sér í kollinum yfir þessum ósköpum.  Eina skýringin sem þeim dettur til hugar er að sjórinn sé of kaldur.  Þess sjást reyndar merki á þorskinum.

Einhver net eru enn í sjó við Nýfundnaland, en þau eru talin fá litlu breytt héðan af.


027.JPG

Eitt er alveg víst:  þessi mynd er ekki tekin á Nýfundnalandi á yfirstandandi vertíð
 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...