Grásleppa - bjartsýni um aukið magn til Kína - Landssamband smábátaeigenda

Grásleppa - bjartsýni um aukið magn til Kína



Mörg undanfarin ár hefur LS í samstarfi við ýmsa aðila reynt að finna markað fyrir grásleppu sem búið er að hirða hrognin úr.  Í nokkur skipti hafa komið viðbrögð en aldrei nægilega kröftug til að viðskipti gætu hafist fyrr en nú. 

 

Síðast liðin ár hefur Triton ehf. séð um markaðshliðina.  Sýnishorn hafa verið send til fjölmargra aðila og í lok árs 2006 þóttu viðbrögð vera það góð að ákveðið var að sækja um 4 milljóna styrk í AVS sjóðinn fyrir árið 2007.  AVS treysti sér hins vegar ekki til að styrkja verkefnið nema um fjórðung af þeirri upphæð og varð því ekkert af samstarfi við sjóðinn.

Ári síðar var aftur sótt um styrk, en þá brá svo við að stjórn AVS sjóðsins synjaði umsókninni.

Í janúar sl. var í þriðja sinn send umsókn um styrk til AVS.    Stjórn sjóðsins ákvað að mæla með 4 milljóna styrk sem nýtist nú einkar vel til verkefnisins.

 

Eins og fram kemur á heimasíðu AVS hefur verkefnið gengið vel í sumar.  Byrjaður er útflutningur á frosinni grásleppu til Kína og gera má ráð fyrir að framhald verði þar á á grásleppuvertíðinni 2010.


Sjá nánar

 

 


 

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...