Skalli auglýsir aðalfund

Stjórn Smábátafélagsins Skalla hefur auglýst aðalfund félagsins.  Fundurinn verður haldinn miðvikudaginn 16. september nk.

Að venju verður fundarstaðurinn að Suðurgötu 3 á Sauðárkróki.

Fundurinn hefst kl 16 og mun Örn Pálsson framkvæmdastjóri Landssambands smábátaeigenda mæta á fundinn.

Á árinu 2008 lönduðu 44 smábátar í eigu félagsmanna í Skalla.

Félagsmenn eru hvattir til að mæta til fundarins og hafa í farteskinu ferskar hugmyndir sem nýtast gætu smábátaeigendum á þeim víðsjárverðu tímum er nú ganga yfir.

Formaður Skalla er Sverrir Sveinsson Siglufirði.