Stjórn Eldingar - vill atvinnurekendur burt úr stjórnum lífeyrissjóðanna - Landssamband smábátaeigenda

Stjórn Eldingar - vill atvinnurekendur burt úr stjórnum lífeyrissjóðanna


 

Stjórn Eldingar - félag smábátaeigenda í Ísafjarðarsýslum - kom saman til fundar 8. september sl.

Á fundinum var komið víða við sem leiddi til ítarlegra umræðna og afstöðu stjórnarinnar til eftirfarandi málefna:

 

Sjómannaafsláttur - stjórn Eldingar mótmælir harðlega öllum tillögum um breytingar eða afnámi sjómannaafsláttar.

 

Stjórnir lífeyrissjóða - stjórn Eldingar tekur heilshugar undir með Sjómannafélagi Íslands um að atvinnurekendur eigi ekki sæti í stjórnum lífeyrissjóðanna.

 

Þorsk- og ýsukvóti - stjórn Eldingar minnir á fyrri tillögur félagsins um að veiðiheimildir í þorski miðist við 220 þús. tonn.  Ennfremur mótmælir stjórnin gífurlegum niðurskurði á ýsukvóta.

 

Hvalveiðar - stjórn Eldingar lýsir mikilli ánægju með hvalveiðar.  Bent er á þá atvinnusköpun sem slíkar veiðar hafa haft, eins og dæmin frá Akranesi og víðar á Vesturlandi sanna.

 

Skötuselur - stjórn Eldingar hvetur Jón Bjarnason sjávarútvegs- og landbúnaðarráðherra að finna viðunandi lausn á skráningu skötusels sem meðafla og minnir á að enn er engan skötuselskvóta að hafa.

 

Þyrlusveit Landhelgisgæslunnar - stjórn Eldingar varar sterklega við öllum áformum um að gera þyrlusveit Landhelgisgæslunnar vanhæfa til að sinna öryggishlutverki sínu.

 

Í lok fundar var samþykkt að aðalfundur Eldingar verði sunnudaginn 4. október kl 13:00.

 

Formaður Eldingar er Birkir Einarsson Flateyri.


 

 Gestur frá Vigur í Ísafjarðarhöfn.JPG

 Gestur frá Vigur í Ísafjarðarhöfn

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...