Klettur, Elding, Austurland, Sæljón og Fontur halda aðalfundi - Landssamband smábátaeigenda

Klettur, Elding, Austurland, Sæljón og Fontur halda aðalfundi



Aðalfundur Eldingar verður á Hótel Ísafirði nk. sunnudag 4. október.  Birkir Einarsson formaður Eldingar býst við fjölmenni á fundinn sem hefst kl 13:00.  Mörg málefni hvíla á félagsmönnum Eldingar.  Birkir segir aðkallandi að stjórnvöld leiðrétti lán sem lentu í hamförum efnahagshrunsins og að veiðiheimildir í þorski og ýsu verði auknar nú þegar.  

Formaður og framkvæmdastjóri LS mæta á fundinn.

 

Sæljón

Guðmundur Elíasson formaður Sæljóns á Akranesi hefur boðað aðalfund félagsins þriðjudaginn 6. október.  Fundurinn verður haldinn í Jónsbúð og hefst kl 17:00.

Guðmundur segir Akurnesinga áhyggjufulla vegna þeirra breytinga sem orðið hafa á framboði leigukvóta.  Hann hafi þeir getað stólað á undanfarin ár en nú sé allt stopp og stutt í að útgerðir á Skaganum verði það líka.

Formaður og framkvæmdastjóri LS mæta á fundinn.

 

Fontur

Haraldur Sigurðsson formaður Fonts boðar félagsmenn til aðalfundar miðvikudaginn 7. október.  Fundarstaður er Hótel Norðurljós á Raufarhöfn og hefst fundurinn kl. 14:00.

Auk framkvæmdastjóra LS mun Ormur Arnarson frá Triton mæta á fundinn og ræða næstu skref í útflutningi á frosinni grásleppu.

 

 

Áður hefur verið minnst á aðalfundi Kletts og Félags smábátaeigenda á Austurlandi.

Klettur fundar á Árskógssandi á morgun 3. október kl. 10:30 og Félag smábátaeigenda á Austurlandi á Hótel Héraði nk. mánudag 5. október kl. 13:30.

 

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...