Á aðalfundi LS 15. og 16. október sl. var samþykkt að hvetja Jón Bjarnason sjávarútvegs- og landbúnaðarráðherra til að bregðast strax við því ófremdarástandi sem upp er komið í ýsuveiðum.
Í greinargerð með samþykktinni segir að í nokkra mánuði hafi ekki verið hægt að fá leigðar veiðiheimildir í ýsu. Afleiðingar þess eru að fjöldi báta verður að stöðva veiðar á næstu dögum án þess að vera komnir í kvótaþurrð í öðrum tegundum. Við það minnkar framboð á línuveiddri ýsu, verðmæti lækkar, auk þess sem sjómenn og beitningafólk missir atvinnuna.
Skorað er á ráðherra að koma í veg fyrir þessi vandamál með því að setja í reglugerð
að ýsa veidd á línu fram til næstu áramóta reiknist ekki til
afla- eða krókaaflamarks hvers báts þar sem viðmiðunin verði 30% af
ýsuafla viðkomandi á sl. fiskveiðiári.
Myndin er tekin á aðalfundi LS
Guðmundur Jónsson fulltrúi Smábátafélags Reykjavíkur og Garðar Berg Guðjónsson formaður félagsins og stjórnarmaður í LS
Skrifa athugasemd