Strandir vilja flytjast á veiðisvæði B - vöntun á ýsu stöðvar báta - Landssamband smábátaeigenda

Strandir vilja flytjast á veiðisvæði B - vöntun á ýsu stöðvar báta



Strandir héldu aðalfund á Hólmavík 29. september sl.  Ágæt mæting var á fundinn og bar margt á góma.  Almenn ánægja var með grásleppuvertíðina og var það samdóma álit manna að vertíðin hefði sjaldan eða aldrei skilað öðrum eins verðmætum.

Strandveiðar

Í umræðu um strandveiðarnar kom fram vilji til að breyta veiðisvæðum þannig að austurhluti A-svæðis verði við Horn en ekki Skagabyggð.  Strandir mundu við það tilheyra svæði B sem þeir vilja að nái að Tröllaskaga.  Einkum var þar bent á veðurfarið, það væri svipað á

DSC03211.jpg

 Ströndum og á N-landi vestra, en ólíkt því sem væri í Breiðafirði og Vestfjörðum.

Veiðar að stöðvast

Á fundinum komu fram miklar áhyggjur vegna afleiðinga af niðurskurði á veiðiheimildum í ýsu og hækkun á geymslurétti milli ára.  Engan ýsukvóta væri hægt að fá, enginn vill láta frá sér ýsu. 

Til að koma í veg fyrir að bátar stöðvist vegna vöntunar á ýsu sem meðafla við þorskveiðar samþykkti fundurinn eftirfarandi:

Aðalfundur Stranda hvetur Jón Bjarnason sjávarútvegs- og landbúnaðarráðherra að bregðast strax við því ófremdarástandi sem upp er komið í ýsuveiðum.  Strandir skora á ráðherra að koma í veg fyrir þessi vandamál með því að setja í reglugerð að ýsa veidd á línu fram til næstu áramóta reiknist ekki til afla- eða krókaaflamarks hvers báts þar sem viðmiðunin verði 30% af ýsuafla viðkomandi á sl. fiskveiðári.

DSC03214.jpg

Í greinargerð með ályktuninni kemur fram að í nokkra mánuði hefur ekki verið hægt að fá leigðar veiðiheimildir í ýsu.  Afleiðingar þess eru að fjöldi báta verður að stöðva veiðar á næstu dögum án þess að vera komnir í kvótaþurrð í öðrum tegundum.  Við það minnkar framboð á línuveiddri ýsu, verðmæti lækkar, auk þess sem sjómenn og beitningafólk missir atvinnuna.“.

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...