Hótelgestir í Shanghai gæða sér á grásleppu - Landssamband smábátaeigenda

Hótelgestir í Shanghai gæða sér á grásleppu



Í dag lauk í Qingdao í Kína stærstu sjávarvörusýningu í Asíu


„China Fisheries & Seafood Expo 2009“

 

Útflutningsfyrirtækið TRITON ehf var meðal þátttakenda í sýningunni og fylgir þar eftir söluátaki sínu á grásleppu til Kína.  Það var á sl. sumri sem TRITON opnaði fyrir viðskiptin með útflutningi á rúmum 70 tonnum af frosinni grásleppu til kínverskra samstarfsaðila sinna.

 

Að sýningunni lokinni munu fara fram kynningar á þremur völdum hótelum í Shanghai. Þar verður boðið upp á ýmsa rétti úr íslenskri grásleppu og fleiri íslenskum sjávarafurðum, þ.á.m. niðursoðinni þorsklifur frá TRITON.

 

 

Áætlað er að um 3 þúsund tonn af grásleppu falli til á Íslandi ár hvert, en eins og kunnugt er, hafa hingað til einungis hrogn þessa annars frábæra matfisks verið nýtt; sjálfum fiskinum er hent.

          

 

Grásleppukarlar á Íslandi binda vonir við að hægt verði að byggja upp traustan markað fyrir frysta grásleppu í Kína og hugsanlega fleiri löndum í Asíu.  Um miðjan nóvember, þegar sendinefndin kemur heim frá Kína, fæst vonandi upplýst, hvers vænta má í þessum málum.

 

 

Meðfylgjandi plaggat sýnir hvernig hinn kínverski samstarfsaðili TRITON kynnir grásleppuna fyrir löndum sínum.

Myndin er af Ormi J. Arnarsyni, framkvæmdastjóra TRITON.

 

Qingdao Poster final white logo.jpg

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...