Í gær fór fram utandagskrárumræðu á Alþingi um aukningu aflaheimilda. Málshefjandi var Ásbjörn Óttarsson og var Jón Bjarnason sjávarútvegs- og landbúnaðarráðherra til andsvara. Umræðan stóð yfir í hálfa klukkustund og tóku margir þingmenn þátt í henni.
Í framsögu Ásbjarnar hvatti hann sjávarútvegsráðherra að auka nú þegar við kvótann í þorski, ýsu og ufsa, þá gagnrýndi hann niðurskurð í grálúðu. Hann sagði tillögurnar taka mið af því að þær gengju ekki á uppbyggingu stofnanna. Ásbjörn lagði til 40 þús. tonna aukningu í þorski, færi í 190 þús. tonn. Veiðiheimildir í ýsu verði auknar um 7 þús. tonn, verði 70 þús. Ufsakvótinn aukinn um 15 þús. tonn, verði 65 þús.
Í andsvari Jóns Bjarnasonar kom fram að hann útilokaði ekki aukningu, en fara þyrfti afarvel yfir málefnið og þau rök sem lægju til grundvallar.
Skrifa athugasemd