Búið að veiða 42% af leyfilegum þorskafla - Landssamband smábátaeigenda

Búið að veiða 42% af leyfilegum þorskafla



Áramótin eru kjörin tími til að skoða aflastöðuna.   Í umfjöllun sem hér fylgir eru aflaheimildir miðaðar við daginn í dag og afli tekur mið af bráðabirgðatölum Fiskistofu í gær 12. janúar.  Hér á eftir verður gerð grein fyrir stöðunni í þorskinum og á morgun verður fjallað um ýsuna.


Þorskur  

Búið var að veiða 64.128 tonn sem er 42% af leyfilegum heildarafla.  Þorskaflinn nú er tæpum 11 þús. tonnum meiri en á sama tíma í fyrra, en þá hafði 32% aflaheimildanna verið nýttar.   Ástæður þessa gætu verið nokkrar, trúlega ræður gott verð þar mestu.   Auk þess nefna viðmælendur að krókaaflamarksbátar búa við of rýrar veiðiheimildir í ýsu og beita sér því meir í þorskinn, en hjá aflamarksskipum hefur ýsan gefið sig verr það sem af er fiskveiðiári og því meiri áhersla lögð á þorskinn.

Það vekur athygli að nánast báðir útgerðarflokkarnir hafa nýtt jafn mikið af þorskinum.  Krókaaflamarksbátar 41%, en aflamarksskip 42%, sambærilegar prósentur á sama tíma á síðasta fiskveiðiári var 30% hjá krókabátum og 33% í aflamarkinu.

 

Sjá tölur nánar.pdf

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...