Treysta grunnslóðina sem veiðislóð fyrir smærri báta og umhverfisvænni veiði - Landssamband smábátaeigenda

Treysta grunnslóðina sem veiðislóð fyrir smærri báta og umhverfisvænni veiði



15. þ.m. sendi sjávarútvegs- og landbúnaðarráðuneytið frá sér fréttatilkynningu undir fyrirsögninni                          „Verndun grunnslóðar“.

Þar er tilkynnt að Jón Bjarnason sjávarútvegs- og landbúnaðarráðherra hafi ákveðið í samræmi við stefnuyfirlýsingu ríkisstjórnarinnar að setja af stað verkefni þar sem kannaðir verði kostir þess að veiðar afkastamikilla skipa á grunnslóð og inn á fjörðum verði takmarkaðar frá því sem nú er.

Markmið verkefnisins „er að treysta grunnslóð sem veiðislóð fyrir smærri báta og umhverfisvæna veiði.  Í þessu felst að við veiðar og nýtingu verði gætt að verndun sjávarbotnsins og beitt vistvænum veiðiaðferðum.“  eins og segir í fréttatilkynningunni.

 

Eins og fram kemur er vinna þessi í samræmi við stefnuyfirlýsingu ríkisstjórnarinnar og flokkast undir brýnar aðgerðir.   Þar segir í 4. tölulið:  

„Vernda grunnslóð.  Kannaðir verði möguleikar þess að veiðar afkastamikilla skipa á grunnslóð og inn á fjörðum verði takmarkaðar frá þvi sem nú er með það að markmiði að treysta grunnslóðina sem veiðislóð fyrir smærri báta og umhverfisvænni veiði.“

 

Sjá fréttatilkynningu í heild

 

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...