Hrollaugur - nægur þorskur allt í kringum landið - 40 þús. tonn strax

Hrollaugur á Hornafirði hélt almennan félagsfund 15. febrúar 2010.  Góð mæting var á fundinn og hiti í mönnum.  Fjölmörg mál voru til umræðu og lauk þeim öllum með því að ályktað var um þau.    Eftirfarandi var samþykkt:

1.  Smábátafélagið Hrollaugur er alfarið á móti fyrningarleiðinni.

2.  Smábátafélagið Hrollaugur mótmælir skötuselsfrumvarpinu eins og það er sett fram.  Til að leysa vanda grásleppuútgerða verði leyfður ótakmarkaður Hafróafli við grásleppuveiðar.  

3.  Smábátafélagið Hrollaugur mótmælir mismunun sem felst í línuívilnun milli landróðrabáta og skorar á stjórn Landssambands smábátaeigenda að vinna að jöfnuði innan greinarinnar.

4. Smábátafélagið Hrollaugur er hlynnt strandveiðum og leggur til að byggðakvóti verði notaður í þær veiðar. 

5. Smábátafélagið Hrollaugur lýsir áhyggjum á fjársvelti á þyrlusveit Landhelgisgæslunnar.

6. Smábátafélagið Hrollaugur bendir á að aflagjald var sett á til að ná sátt um kvótakerfið, þar sem engin sátt hefur náðst leggur félagið til að gjaldið verði lagt niður.

7. Smábátafélagið Hrollaugur skorar á sjávarútvegs- og landbúnaðarráðherra að gefa strax út aukinn þorskkvóta, 40.000 tonn.  Hrollaugur bendir á að nægur þorskur er á miðunum allt í kringum landið.

8. Smábátafélagið Hrollaugur mótmælir hugmyndum um niðurfellingu sjómannaafsláttar.

Í stjórn Hrollaugs eru:

Arnar Þór Ragnarsson  formaður

Unnsteinn Þráinsson    gjaldkeri

Friðþór Harðarson       ritari