LS, FFSÍ, SFÚ og fiskmarkaðir vilja auka veiðiheimildir í þorski - Landssamband smábátaeigenda

LS, FFSÍ, SFÚ og fiskmarkaðir vilja auka veiðiheimildir í þorski



Sjávarútvegs- og landbúnaðarráðherra hélt fund með hagsmunaaðilum og Hafrannsóknastofnun 17. mars sl. þar sem til umræðu var úthlutað heildaraflamark og markaðsmál í sjávarútvegi.

Á fundinum komu fram sjónarmið hagsmunaaðila og hvatti LS til að þorskvótinn yrði aukinn nú þegar í 200 þús. tonn auk þess að bætt yrði við ýsu, steinbít, ufsa, löngu og keilu.

Annars voru skoðanir nokkuð skiptar á fundinum allt frá því að breyta í engu frá tillögum Hafró í þorski, sem var forsenda ráðherra við ákvörðun um 150 þús. tonna heildarafla, upp í að bæta verulega við kvótann.

 

Auk LS hvöttu Farmanna og fiskimannasamband Íslands, Samtök fiskframleiðenda og útflytjenda, Fiskmarkaður Íslands, Fiskmarkaður Suðurnesja og Reiknistofa fiskmarkaða, ráðherra til að auka þorskkvótann nú þegar.

FFSÍ vill eins og LS fara í 200 þús. tonn og fastsetja í a.m.k. til þriggja ára.  „Rökin fyrir því eru þau að samkvæmt mati fiskimanna er mun meira af þorski í sjónum en rannsóknir Hafrannsóknastofnunar gefa til kynna, það er nánast sama hvar dregið er troll eða lögð lína, vandamálið er of mikið af þorski“ eins og segir í ályktun 44. þings FFSÍ 26. og 27. nóvember 2009.

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...