Skalli hvetur til áframhaldandi strandveiða og ályktana sveitarstjórna - Landssamband smábátaeigenda

Skalli hvetur til áframhaldandi strandveiða og ályktana sveitarstjórna



Á  stjórnarfundi Smábátafélagsins Skalla sem haldinn var á Sauðárkróki  7. mars 2010 var samþykkt eftirfarandi ályktun:

 

„Aðalfundur Skalla  fagnar  framkomnu frumvarpi  um strandveiðar og telur þær til hagsbóta fyrir félagsmenn  og aðra hagsmunaaðila á sínu svæði, sem er frá Hvammstanga til Siglufjarðar.

Stjórnin hvetur sveitarstjórnir á þessu svæði til að beita sér fyrir því að strandveiðar verði festar í sessi með þessum lögum sem verður viðbót við þann sjávarútveg sem fyrir er.

 

Stjórn Skalla bendir á skýrslu sem unnin var af Háskólasetrinu á Ísafirði en í henni segir m.a.:

 

„Augljós niðurstaða  úttektarinnar er sú að almenn ánægja  var meðal þátttakenda og hagsmunaaðila með veiðarnar og trú á því að þær gætu orðið hinum dreifðu byggðum til góðs í framtíðinni.“

 

Miklir hagsmunir eru í húfi fyrir aðila að það frumvarp sem sjávarútvegs- og landbúnaðarráðherra hefur  lagt  fram verði að lögum  sem fyrst þannig að hagsmunaaðilar geti undirbúið sig til að mæta þessari viðbót við þann sjávarútveg sem fyrir er.

 

Stjórnin hvetur því sveitarstjórnir á svæðinu til að álykta með samþykkt þessa frumvarps.“

 

 

Formaður Skalla er Sverrir Sveinsson

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...