Stjórnun makrílveiða - nýjar leiðir innleiddar - Landssamband smábátaeigenda

Stjórnun makrílveiða - nýjar leiðir innleiddar



Jón Bjarnason sjávarútvegs- og landbúnaðarráðherra hefur í dag undirritað reglugerð um stjórn makrílveiða íslenskra skipa árið 2010.

 

Í reglugerðinni er miðað við að ráðherra geti stöðvað makrílveiðar, þegar búið er að veiða 130 þús. tonn.    Þeim viðmiðurnarafla verður ráðstafað til skipa með þrennum hætti. 

3 þúsund tonn til báta sem fyrirhuga að veiða með línu og handfæri

15 þúsund tonn til aðila sem ekki hafa áður stundað makrílveiðar

112 þúsund tonnum til skipa sem stunduðu makrílveiðar í flottroll og nót 2007, 2008 og 2009.   Magninu verður skipt eftir aflareynslu og heimilað verður framsal milli skipa í eigu sömu útgerðar.

 

Í reglugerðinni er farið inn á nýjar leiðir við úthlutun veiðiheimilda innan stjórnkerfis fiskveiða sem er að gefa nýjum aðilum tækifæri til að hefja veiðar á þessum nýja nytjafiski okkar.  Fimmtán þúsund tonnum er ætlað til þessara aðila. Þá er einnig tekið tillit til tilraunaveiða smábáta á makríl undanfarin ár með því að ráðstafa 3000 tonnum til þeirra.

Þannig má segja að verið sé að koma til móts við flesta hagsmuni sem ætti að skila sér í fjölbreyttri verðmætasköpun og veiðiaðferðum.  Tækifærin við nýtingu markrílsins verða því vonandi fjölmörg og atvinna sem leiða mun af þeim góð lyftistöng fyrir sjávarbyggðir viða um land.

 

Sjá nánar


Reglugerð makrilveiðar.pdf

 

Fréttatilkynning.pdf 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...