Strandveiðar lögfestar - Landssamband smábátaeigenda

Strandveiðar lögfestar



Alþingi hefur samþykkt frumvarp sjávarútvegs- og landbúnaðarráðherra um strandveiðar.  Lögin fara nú í hefðbundið ferli til undirskriftar og birtingar.  Reglugerð verður gefin út fljótlega og umsóknir um leyfi afgreiddar frá Fiskistofu.

 

Gera má ráð fyrir að fyrsti dagur strandveiða verði 10. maí nk.

 

Ein breyting var gerð milli annarrar og þriðju umræðu en hún felur í sér að óheimilt verður að stunda strandveiðar þrjá daga í viku, föstudag, laugardag og sunnudag.

 

Það eru Landssambandi smábátaeigenda mikil vonbrigði að breytingartillaga minnihlutans sem Einar Kristinn Guðfinnsson flutti hafi verið felld með 29 atkvæðum gegn 16.  Tillagan fjallaði um að veiðar strandveiða mundu ekki skerða veiðiheimildir annarra skipa, heldur vera viðbót við útgefinn heildarafla.

Fyrir þessu sjónarmiði talaði LS á öllum stigum málsins og benti margsinnis á að þannig hefði framkvæmd strandveiða verið kynnt.  

Sjónarmiði LS verður áfram haldið á lofti og allt reynt til að gera framangreindar breytingar á lögunum, enda um sanngirnismál að ræða eins og fyrrum sjávarútvegsráðherra Einar Kristinn Guðfinnsson komst að orði.  Undir sjónarmið Einars tók samflokksmaður hans í sjávarútvegsnefnd Jón Gunnarsson, fulltrúi Framsóknarflokksins í sjávarútvegsnefnd Sigurður Ingi Jóhannsson og annar tveggja fulltrúa Vinstri grænna í sjávarútvegsnefnd Björn Valur Gíslason.

 

Með því að blikka hér má hlusta á umræðuna.


Sjá einnig orðsendingu frá Fiskistofu um umsóknir um leyfi til strandveiða.

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...