Forsvarsmenn Landssambands smábátaeigenda og Bændasamtakanna hafa ákveðið að eiga sameiginlegan fund um þá stöðu sem upp er komin vegna óljósra viðbragða lánastofnana við dómi Hæstaréttar. Félagsmenn eiga samleið á þessu sviði þar sem margir þeirra eru með lán sem dómur Hæstaréttar nær yfir.
Einnig hafa
komið fram áhyggjur félagsmanna á misvísandi upplýsingum um þol lánastofnana um
að standa við skuldbindingar sem dómurinn leggur þeim á hendur. Þar er átt við fullyrðingar
viðskiptaráðherra um að dómurinn geti kostað almenning 100 milljarða og hins vegar
það sem fram kemur í tilkynningu frá viðskiptabönkunum um að þeir þoli áhrif
gengisdómsins og ríkið þurfi ekki að auka framlög til þeirra.
Skrifa athugasemd