Óskilvirkur kvótamarkaður með ýsu - Landssamband smábátaeigenda

Óskilvirkur kvótamarkaður með ýsu



Athygli vekur að á sama tíma og ýsan er fullnýtt hjá útgerðum krókaflamarksbáta, eins og kom fram í frétt hér fyrr í dag, á eftir að veiða um 30% af henni í aflamarkskerfinu.  Því vekur það undrun að viðskipti með ýsukvóta úr aflamarkskerfinu til krókabáta skuli ekki vera virkari en hann er, ekki síst þegar aðeins má færa 10% (var 33% í fyrra) af úthlutuðum heimildum yfir á næsta fiskveiðiár. 

Í aflamarkskerfinu á eftir að veiða rúm 15 þús. tonn en heimilt er að færa rúm 4 þús. tonn milli ára.   Allt stefnir því í að þúsundir tonna af ýsu nýtist ekki til verðmæta á fiskveiðiárinu.

 

Í gær þriðjudaginn 23. júní var meðalverð á ýsu til leigu, samkvæmt upplýsingum frá Fiskistofu, 153 kr/kg og söluverð á fiskmörkuðum 272 kr/kg.  Sama dag fyrir ári var hún leigð á 60 kr/kg og seldist á 233 kr.

Það sem af er fiskveiðiárinu hafa krókabátar leigt 1.881 tonn af ýsu úr aflamarkskerfinu en á sama tíma í fyrra höfðu þeir fært til sín 3.416 tonn. 
 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...