„Leggjumst á árarnar“ er heiti verkefnis sem nú hefur verið hleypt af stokkunum og birtist í Útvegsblaðinu. Greinaflokkurinn, sem Karl Eskill Pálsson hefur umsjón með, mun fjalla um leiðir til að draga úr eldsneytisnotkun íslenska fiskiskipaflotans.
Í þessari fyrstu grein er m.a. fjallað um rannsóknarvinnu á vegum Metans ehf, sem ætlað er að kanna möguleika á að koma fyrir metangeymum í hefbundnum dagróðrarbáti. Með því er ætlunin kanna kosti þess og galla að keyra vél bátsins á metani.
Útvegsblaðið:
Kostirnir við metan sem eldsneyti eru margvíslegir, það getur sparað töluvert í eldsneytiskostnaði og einnig fer betur með vélarnar að keyra þær á gasi.
Til að nefna dæmi um minna slit þá get ég bent á að vél sem keyrð er á gasi heldur smurolíunni "hreinni" mun lengur en vél sem eingöngu er keyrð á brennsluolíu, munurinn er nánast eins og svart og hvítt.
Og eitt sem líka er vert að minnast á er að dísilvélar þurfa alltaf að nota einhverja brennsluolíu ásamt gasinu, það kviknar ekki í gasinu af sjálfdáðum eins og þegar olíunni er brennt. Hugsanlega mun þó einhver búnaður seinna meir gera dísilvélum kleift að brenna gas eingöngu en ég hef ekki ennþá séð slíkt.