Aðalfundur Kletts hvetur til hópmálsóknar - Landssamband smábátaeigenda

Aðalfundur Kletts hvetur til hópmálsóknar


 

Aðalfundur Kletts var haldinn á Húsavík sl. laugardag 2. október.  Fundarstaðurinn var gamla kaupfélagshúsið sem nú inniheldur veitingastaðinn Sölku.  Vel var mætt á fundinn - fundarmenn frá Ólafsfirði til Tjörness.

Fjölmörg málefni bar á góma á fundinum og fjöldi ályktana afgreiddur til 26. aðalfundar Landssambands smábátaeigenda.  Meðal þeirra var hvatning aðalfundar Kletts til LS að standa vörð um hagsmuni smábátaútgerða í viðskiptum sínum við lánastofnanir með hópmálsókn.

 

Klettur 2010.jpg

Handfæraívilnun á ufsa

Aðalfundur Kletts hvetur sjávarútvegsráðherra til að gefa ufsaveiðar á handfæri frjálsar tímabilið 1. maí til 30. september.

 

Stærð krókaaflamarksbáta, kvótaþak

Á aðalfundi Kletts var mikil umræða um stærðarmörk krókaaflamarksbáta, mælingareglur og hámark á krókaflahlutdeild.  Fundarmenn voru almennt á því að samræma þyrfti mælingu og gera hana einfaldari.  Þá var það skoðun fundarins að núgildandi stærð krókaaflamarksbáta gæfi ekki tilefni til breytinga.  Að loknum umræðum var eftirfarandi samþykkt:

Aðalfundur Kletts telur enga þörf á breytingum á stærð krókaaflamarksbáta.

Aðalfundur Kletts skorar á sjávarútvegsráðherra að kvika hvergi frá þeim takmörkunum sem eru í dag á hámarkseign kvóta einstakra útgerða.

 

Klettur 2010-.jpg

Lögskráningu verði frestað um eitt ár - áskorun til samgönguráðherra

 

Brýnt að auka fjárveitingu til Slysavarnaskóla sjómanna - áskorun til samgönguráðherra að hlutast til um að þau slysavarnanámskeið sem krafist verði við lögskráningu á smábáta verði staðfærð á smábáta og uppsett þannig að hægt sé að fara með þau út um land.

 

Ýsuveiðar frjálsar til áramóta - aðalfundur Kletts skorar á sjávarútvegsráðherra að gefa ýsuveiðar frjálsar til næstu áramóta.

 

Hér er aðeins minnst á nokkrar af þeim tillögum sem aðalfundur Kletts samþykkti.

 

Stjórn Kletts var öll endurkjörin, en hana skipa:

Pétur Sigurðsson                         Árskógssandi             formaður

Sigfús Jóhannesson                   Grímsey

Jón Kristjánsson                         Akureyri

Sigurður Kristjánsson                Húsavík

Þröstur Jóhannsson                   Hrísey



 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...