Samþykktir aðalfundar um strandveiðar - Landssamband smábátaeigenda

Samþykktir aðalfundar um strandveiðar



Á nýafstöðnum aðalfundi LS urðu töluverðar umræður um strandveiðar.  Fram kom almenn ánægja með strandveiðarnar, en einnig að sníða þyrfti af nokkra annmarka.  Þar reis einna hæst sú breyting sem gerð var að viðmiðunarafli í þorski fyrir strandveiðar skuli dragast frá aflaheimildum annarra skipa.

26. aðalf.jpg


Á aðalfundinum var eftirfarandi samþykkt sem vísar beint til strandveiða:


Heildarpottur reiknist í þorskígildum

Sjávarútvegsráðherra beiti sér fyrir lagfæringu á strandveiðikerfinu þannig að heildarpottur hvers svæðis sé reiknaður í þorskígildum eins og dagsafli hvers báts, að öðrum kosti er ekkert gagn í þorskígildisreglunni þar sem potturinn klárast enn fyrr þar sem hann er reiknaður í kíló fisk.

 

Veiðiheimildir verði dregnar frá stofnstærðarmati

LS styður áframhaldandi strandveiðar, enda verði svæðaskipting áfram með sambærilegum hætti og síðustu ár og veiðiheimildir inn í kerfið verði dregnar frá stofnstærðarmati. 

Einnig verði strandveiðibátum heimilt að skrá sig út úr kerfinu um mánaðamót án þess að hafa rétt til þess að hefja aftur strandveiðar á yfirstandandi fiskveiðiári.




1 Athugasemdir

Furðulegt að fara fram á halda svæðaskiftingunni óbreitt miða við hvað var mikil munur á dögum milli svæða.

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...