Fiskifræðingar HAFRÓ hlýða á 15 sérfræðinga - Landssamband smábátaeigenda

Fiskifræðingar HAFRÓ hlýða á 15 sérfræðinga



Árlegur fundur samstarfshóps um þorskrannsóknir var haldinn á Hafrannsóknastofnun 23. og 24. nóvember sl.  Á fundinn mættu 15 skipstjórnarmenn og útgerðaraðilar sem búa yfir sérþekkingu á sviði þorskveiða.  Skipstjórnarmennirnir koma frá öllum útgerðarflokkum.

Þetta er í 8. skiptið sem Hafró kallar til sérfræðinga á þessu sviði til að miðla þekkingu sinni og hlýða á fiskifræðinga Hafrannsóknastofnunarinnar.

Á fundinum kom m.a. fram að mun meira er nú af stærri þorski en undanfarin ár og fiskurinn vel haldinn, virðist hafa nægt æti.  Þá kom fram að þorskurinn héldi sig nú nær landi og sýndi óhefðbundið göngumynstur.  Sumir fundarmanna lýstu áhyggjum yfir aukinni sókn í smærri fisk (2,5 - 3 kg) vegna markaðsaðstæðna. 

Það er lofsvert að Hafrannsóknastofnun skuli efna til funda af þessu tagi þar sem fiskifræðingar stofnunarinnar fá tækifæri til að ræða beint við þá sem stunda miðin allan ársins hring.

 

Sjá ítarlega umfjöllun um fundinn.




 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...