Fiskmarkaðsverð á þorski og ýsu óbreytt á fyrsta ársfjórðungi - Landssamband smábátaeigenda

Fiskmarkaðsverð á þorski og ýsu óbreytt á fyrsta ársfjórðungi



Á fyrsta ársfjórðungi fiskveiðársins er meðalverð á ýsu sem seld var á fiskmörkuðum óbreytt frá sama tíma í fyrra 250 kr/kg.  Óverulegar breytingar eru á þorskinum 322 í ár en 320 kr meðalverð sept - nóv 2009.

Í ár hafa verið seld rúm sexþúsund tonn af þorski á mörkuðunum sem er um fimm hundruð tonnum minna en í fyrra.  Magnið hefur einnig minnkað í ýsunni, eins og gera mátti ráð fyrir í kjölfar minni úthlutunar.  Þar er samdrátturinn 14% milli ára, minnkar um 879 tonn niður í 5.289 tonn.

Athygli vekur að á yfirstandandi fiskveiðiári hefur mun meira verið selt af undirmálsýsu á fiskmörkuðunum en í fyrra.  Fyrsti ársfjórðungurinn skilaði 626 tonnum sem er 46% aukning frá sama tíma í fyrra.   Óverulegur munur er á magni þorsks sem undirmáli milli ára.    Hlutfall undirmáls af heildarafla sem seldur hefur verið er nánast það sama í báðum tegundum, 11,8% í ýsunni og 11,9% í þorskinum.  


Unnið upp úr tölum rsf.is




1 Athugasemdir

það er gott að verðið er stöðugt, miklar og stödugar hækkanir eru ávísun á verðhrun þegar fram í sækir. það slæma er að framboðið af fiski er allt of lítið.

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...