Grásleppuvertíðin 2010 sú besta í rúma tvo áratugi - Landssamband smábátaeigenda

Grásleppuvertíðin 2010 sú besta í rúma tvo áratugi



Heildarafli á grásleppuvertíðinni 2010 svaraði til 17.947 tunna af söltuðum hrognum.  Fara þarf aftur til ársins 1987 til að finna viðlíka veiði.  Afkoma flestra sem stunduðu veiðarnar var góð, hátt verð á hrognunum og meðalveiði á bát 52 tunnur sem er rúmum fjórðungi meira en á síðustu vertíð.

Alls stunduðu 344 bátar veiðarnar á vertíðinni sem var 65 bátum fleira en 2009 og 115 fleiri en á vertíðinni 2008.

Af einstökum veiðisvæðum var langmest veiði í Breiðafirði 5.480 tunnur eða 30% heildarveiðinnar.  Mestu var landað í Stykkishólmi 2.736 tunnur og næst hæsti löndunarstaðurinn var Brjánslækur með 1.481 tunnu og í þriðja sæti Akranes með 1.347 tunnur.




 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...