Farsímasamband víða óviðunandi, kemur niður á örygginu - Landssamband smábátaeigenda

Farsímasamband víða óviðunandi, kemur niður á örygginu



Nokkuð hefur verið um að smábátaeigendur hafa haft samband við skriftstofu LS og kvartað undan lélegu farsímasambandi.  Þeir segja mikla eftirsjá í NMT kerfinu sem var frábært kerfi að sögn viðmælanda.  Hann sagði það hafa virkað eins og öryggistæki eiga að gera, síminn alltaf inni.  Nú sé hins vegar ekki lengur hægt að treysta á slíkt og væri það miður. 

 

GSM kerfið sem tók við hefur ekki staðið undir væntingum.  Þrátt fyrir að hafa keypt sér góðar græjur, endurnýjað loftnet reynt að gera allt til að vera sem best útbúinn dugir það ekki til.  Símafyrirtækin auglýsa dekkun svæða þar sem alls ekki næst samband.  Sem dæmi er nefnt svæðið hér í Faxaflóanum, aðeins 14 mílur útfrá Garðskaga þar sem margir línubátar voru að veiðum í dag.  Flestir voru í vandræðum með að ná sambandi, síminn úti nánast allan tímann. 

 

LS tekur þessar ábendingar alvarlega þar sem síminn fyrir löngu búinn að sanna sig sem gott öryggistæki.  Í fjarskiptaáætlun 2005 - 2010 var gert ráð fyrir að langdræg stafræn farsímaþjónusta stæði til boða á miðum við landið eftir að Síminn hætti rekstri NMT-kerfisins 1. september sl.  Það hefur ekki gengið eftir og því verður innanríkisráðherra tilkynnt um þessa annmarka og hann beðinn um að beita sér fyrir tafarlausum lagfæringum þannig að hægt verði að treysta á símann sem virkt öryggistæki.




 

 

1 Athugasemdir

Ég er í Eyjafirði, ræ mikið út að Gjögrum. Þar er lítið sem ekkert samband. Er búinn að benda Símananum á aðstæður. Fékk mér stærra loftnet og fór maður með mér til að mæla signal á svæðinu og náðist ekki viðunandi samband. Hringt var í mig um daginn frá þjónustuveri Símans og mér tilkynnt að þetta yrði ekki lagað.
Kveðjur Olafur

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...