LS - lýðræði verði aukið innan Gildis-lífeyrissjóðs - Landssamband smábátaeigenda

LS - lýðræði verði aukið innan Gildis-lífeyrissjóðs



Ársfundur Gildis-lífeyrissjóðs verður haldinn á Grand Hótel í Reykjavík nk. fimmtudag 28. apríl og hefst kl 17:00.


Tillögur til aukins lýðræðis

Í janúar síðastliðnum sendi LS og framkvæmdastjóri félagsins stjórn Gildis lífeyrissjóðs tillögur til breytinga á samþykktum sjóðsins. 


Tillögunum er einkum ætlað að auka lýðræði innan sjóðsins eins og að:

  • Sjóðfélagar fái atkvæðisrétt á ársfundi í stað handvalinna fulltrúaráða sem nú fara með atkvæði sjóðfélaga.
  • Sjómönnum, sem starfa sinna vegna komast ekki til ársfundar, fái að tilnefna aðila til að fara með sitt atkvæði á ársfundi.
  • Gefa sjóðfélögum kost á að bjóða sig fram á ársfundi til setu í stjórn.
  • Tryggja fulltrúum allra aðildarsamtaka sjóðsins möguleika á setu í stjórn.


Auk þessara tillagna er lagt til að aukin verði skilvirkni í eftirliti með sjóðnum.  Nýr endurskoðandi og eftilitsaðili kosnir á tveggja ára fresti og Fjármálaeftirlitið tilnefni tryggingafræðing til að fara yfir stöðu sjóðsins og framkvæma tryggingafræðilega athugun.

Einnig er í tillögunum lagt til að breytt verði ákvæði um skipan stjórnar Gildis.  Samtök atvinnulífsins sem nú eiga 4 fulltrúa fái 3 og LS einn.  Fjórir fulltrúar launþega verði kosnir á ársfundi úr hópi frambjóðenda.   

 

Óvíst að allar tillögurnar komi til umræðu á ársfundinum

Í fundarboði til ársfundar Gildis-lífeyrissjóðs dags. 16. mars sl. er þess getið „að framangreindar tillögur sem lúta að breytingum á ákvæðum sem teljast efni kjarasamninga s.s. um iðgjöld og stjórnarskipan sjóðsins, þ.á.m. um hlutverk og skipan fulltrúaráðs og stjórnar verði einungis teknar fyrir á ársfundi að fyrir liggi samþykki 2/3 hluta samtaka atvinnurekenda og launþega sem að sjóðnum standa.“

Þá er þess getið í bréfinu að Gildi hafi sent aðildarfélögum sjóðsins sem rétt hafa til að tilnefna fulltrúa í fulltrúaráð bréf þar sem þess er farið á leit að þau taki afstöðu til þess hvort þau samþykkja að tillögurnar verði teknar fyrir á ársfundinum.

Það er því alls óvíst hvort tillögurnar verði teknar fyrir á ársfundinum nk. fimmtudag.

 

Þrátt fyrir þennan krók sem tillögurnar þurfa að leggja á leið sína til ársfundarins eru tillöguflytjendur bjartsýnir á að aðildarfélögin samþykki þær til umræðu á ársfundinum.


Tillögurnar í heild




 

 

 

 

 

 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...