Fundað um frjálsar handfæraveiðar - Landssamband smábátaeigenda

Fundað um frjálsar handfæraveiðar




Fyrsti fundur nefndar LS um frjálsar handfæraveiðar hefur verið boðaður á morgun 16. nóvember.  Nefndin var kosin á aðalfundi Landssambands smábátaeigenda og hefur það að markmiði að móta í samráði við stjórn og forystu LS tillögur að frjálsum handfæraveiðum sem hafi beina hagsmuni af strandveiðum, sem verði utan aflahlutdeildarkerfisins og skerði ekki aðra.

Í samþykkt aðalfundar er auk þessa markmiðs eftirfarandi: „Hver íslenskur ríkisborgari hafi leyfi til handfæraveiða og litið sé á það sem forgangsrétt þjóðarinnar að eigin auðlind.“

Nefndin er skipuð fimm aðilum, fjórir voru kosnir á aðalfundi einn frá hverju strandveiðisvæði og einn er skipaður af stjórn LS.

Í nefndinni eru:
  • Ketill Elíasson Bolungarvík - skipaður af stjórn LS
  • Guðlaugur Gunnarsson, Ólafsvík
  • Kristmundur Kristmundsson, Gjögri
  • Oddur V. Jóhannsson, Vopnafirði
  • Konný Breiðfjörð Leifsdóttir, Reykjavík. 




 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...