Tekið verði mark á fiskifræði sjómannsins - Landssamband smábátaeigenda

Tekið verði mark á fiskifræði sjómannsins



Bæjarráð Ísafjarðarbæjar fjallaði í dag um ákvörðun sjávarútvegs- og landbúnaðarráðuneytisins að Hafrannsóknastofnunin fari yfir ráðgjöf sína er varðar aflamark í ýsu.

Í fundargerð af fundinum er eftirfarandi bókað: 

„Bæjarráð  Ísafjarðarbæjar fagnar því að sjávarútvegs- og landbúnaðarráðuneytið hefur farið fram á það við Hafrannsóknarstofnun, að hún fari nú þegar yfir ráðgjöf sína varðandi aflamark í ýsu fyrir núverandi fiskveiðiár.

Er farið fram á þetta meðal annars vegna þess, að sjómenn hafa bent á, að mun meira af ýsu er að hafa á veiðislóðum smábáta á grunnslóð en mælingar Hafró benda til. Vonandi er hér kominn fyrsti vísir af því að tekið verði mark á fiskifræði sjómannsins.

Rétt er að taka fram að hér er um gríðarlega hagsmuni að ræða bæði hvað varðar hagkvæmi veiða, stöðu markaða og aukningu á aflaverðmæti, sem gæti numið milljörðum króna.“



 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...