Ýsa - gengur hratt á heimildir og meiri veiði - Landssamband smábátaeigenda

Ýsa - gengur hratt á heimildir og meiri veiði



Að undanförnu hefur mikið verið rætt um svar Hafrannsóknastofnunar við fyrirspurn sjávarútvegsráðherra um endurskoðun á ráðgjöf fyrir ýsu á fiskveiðiárinu.  Sjómenn hafa haft samband við LS og tekið undir þau sjónarmið að forsendur ráðgjafarinnar séu ekki að ganga eftir.  Mikið sé af ýsu á slóðinni og hún vel haldin.

Í síðustu ástandsskýrslu Hafró sem út kom í júní sl. segir m.a. um ýsuaflann:
„Á fyrstu sjö mánuðum yfirstandandi fiskveiðiárs (2010/2011 innsk. LS) var landaður afli 22% minni en á sama tímabili á síðasta fiskveiðiári, eða 33 þús. tonn.“  

LS hefur tekið saman tölur um ýsuafla á yfirstandandi fiskveiðiári til og með 22. janúar sl. og borið saman við sama tímabil á síðasta fiskveiðiári.  Í ljós kemur að samkvæmt bráðabirgðatölum Fiskistofu er ýsuafli nú 21.383 tonn á móti 20.820 tonnum í fyrra.  Þó hér sé ekki um mikinn mun að ræða, hlýtur það að vekja upp spurningar hversu mikið hefur veiðst af ýsu í ljósi þess að heimildirnar nú eru rúmum 14% minni en í fyrra sem svarar til 7.646 tonna.  Þegar horft er til þessara talna gengur því hratt á veiðiheimildir í ýsu, búið að veiða 47% nú á móti 39% í fyrra.  

Eins og sjá má á þessum tölum hefur þróunin snúist við miðað við samanburð fiskveiðiáranna 2009/2010 og 2010/2011 og vitnað var til hér að framan.  Ekki er því annað að sjá en ýsan sé farin að gefa sig betur en í fyrra og vonandi að áframhald verði á því næstu árin.







1 Athugasemdir

Það kemur hvergi fram hjá Hafró að ástæða minni afla er að stórum hluta sú að menn eru að reyna að forðast það að fá ýsu.

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...