Björgunarbúningar í alla smábáta - Landssamband smábátaeigenda

Björgunarbúningar í alla smábáta



Á félagsfundi í Kletti - félagi smábátaeigenda Ólafsfjörður - Tjörnes - haldinn á Akureyri 1. mars 2012 var m.a. rætt um öryggismál og þá einkum gildi björgunarbúninga í smábátum.
Í gildandi reglum er ekki kveðið á um að skylt sé að vera með björgunarbúninga um borð í smábátum.  Aftur á móti er skylt að hafa vinnuflotgalla um borð.   Engum dylst að gríðarlegur munur er á þessum tveimur björgunartækjum.

Klettur.jpg
Á fundinum greindi Örn Pálsson framkvæmdastjóri LS frá fundi hans í innanríkisráðuneytinu nú nýverið.  Þar var félaginu kynnt sú skoðun ráðherra að stefna bæri að breytingu á reglugerð þannig að skylt yrði að hafa björgunarbúninga um borð í smábátum.  Fyrirhuguð breyting á reglum yrði unnin í nánu samráði við LS og sérfræðinga Siglingastofnunar.
 
Málefnið fékk mikla og vandaða umræðu á félagsfundi Kletts og lauk með því að
fundurinn samþykkti eftirfarandi:

„Klettur -  félag smábátaeigenda Ólafsfjörður - Tjörnes - lýsir fullum stuðningi við lögleiðingu björgunarbúninga í alla smábáta.“



 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...