Má bjóða þér grásleppu....á 7300 kr. kílóið? - Landssamband smábátaeigenda

Má bjóða þér grásleppu....á 7300 kr. kílóið?



Grásleppuvertíðin er nýhafin og að venju eru Íslendingar fyrstir af stað af verulegum krafti.  Þó hafa borist fréttir af því að sunnarlega á Grænlandi hafi a.m.k. einn lagt nokkur net og vitjað um einu sinni.  Sá var hinn kátasti með aflann, ekki síst í ljósi þess að veturinn hefur verið mjög harður á Grænlandi.  Þá hafa veiðimenn á suðursvæðinu fullyrt að mikið sé af grásleppu á ferðinni, meira en þeir hafi oft séð áður. 

Í Danmörku hefur smávegis borist á land nú þegar af grásleppu, belgfullri af hrognum.  Í gegnum árin hafa borist af því fréttir að fyrsta veiðin seljist dýrum dómum, en verðin sem sú gráa fór á í morgun á markaðinum í Hirtsals, stærsta fiskmarkaði Danmerkur, er það langhæsta sem nokkru sinni hefur heyrst varðandi slík viðskipti.

Í morgun voru u.þ.b. 100 kg. af grásleppu seld á 320 danskar krónur kílóið, sem leggja sig á 7300 krónur íslenskar.  Í gær var verðið hjá fisksölum á svæðinu 2300 íslenskar krónur fyrir 100 grömm af ferskum grásleppuhrognum. 

Megnið af þessum fyrstu grásleppuhrognum ársins fer á dýra veitingastaði á Kaupmannahafnarsvæðinu.

Screen Shot 2012-03-29 at 10.23.09 AM.png

Grásleppuhrogn

2 Athugasemdir


Vil þakka fyrir frábæra heimasíðu og mjög svo upplýsandi.

Óska öllum grásleppukörlum og konum góðs gengis á vertíðinni.

Verðið samkvæmt fréttinni er ævintýralega hátt en auðvitað eru söltuð gráslepphrogn gæðavara!


Vil þakka fyrir frábæra heimasíðu og mjög svo upplýsandi.

Óska öllum grásleppukörlum og konum góðs gengis á vertíðinni.

Verðið samkvæmt fréttinni er ævintýralega hátt en auðvitað eru söltuð gráslepphrogn gæðavara!

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...